Вы здесь: » » გენო პეტრიაშვილი: ეს სასარგებლოა, როგორც რუსეთისთვის, ისე საქართველოსთვის в закладки
Название сайта
გენო პეტრიაშვილი: ეს სასარგებლოა, როგორც რუსეთისთვის, ისე საქართველოსთვის

გენო პეტრიაშვილი: ეს სასარგებლოა, როგორც რუსეთისთვის, ისე საქართველოსთვის

10-11-2018, 11:14
Комментировать
6 902
Не работает видео?

რუსეთის სპორტული ჭიდაობის ფედერაციამ "ალანები 2018"-ის ტურნირის გამარჯვებულთან, ქართველ გენო პეტრიაშვილთან ინტერვიუ გამოაქვეყნა.

ტურნირის ყველა წონაში, ერთის გარდა, გამარჯვებული რუსი სპორტსმენი გამოვიდა, ხოლო 125 კილოგრამში პირველობა არავის დაუთმო გენო პეტრიაშვილმა.

- ჩემთვის "ალანების" ტურნირი ძალიან მნიშვნელოვანია, რადგან ეს ადგილი, სადაც დღეს ვიბრძოდით, ლეგენდარული მძიმეწონოსნების ენერგეტიკითაა გაჟღინთული. სოსლან ანდიევი, არტურ ტაიმაზოვი, დავიდ მუსულბესი - ესენი ყველა მძიმე წონის ლეგენდარული მოჭიდავეები არიან, ოლიმპიური ჩემპიონები. ასეთი გიგანტების სამშობლოში ჭიდაობა ჩემთვის დიდი გამოცდილებაა. მინდა მადლობა გადავუხადო მაყურებლებს მათი თითოეული სიტყვისთვის, თითოეული აპლოდისმენტისთვის. ვგრძნობდი, რომძალიან მაგრად მქომაგობდნენ.

- რას იტყვი რუს მძიმეწონოსან მოჭიდავეებზე?
- მიუხედავად იმისა, რომ რუსეთს გამოკვეთილი ლიდერი არ ჰყავს, არ შეიძლება არ აღნიშნო ძლიერი სკოლა. რუსებთან ჭიდაობა და ვარჯიში ჩვენთვის დიდი პატივია. ეს სასარგებლოა, როგორც რუსეთისთვის, ისე საქართველოსთვის - გამოცდილებას ვცვლით და ერთი დიდი მოჭიდავეთა ოჯახი ვართ.

- "ალანების" ტურნირისა და ევროპის ჩემპიონატის გარდა, რუსეთში გიჭიდავიათ?
- ჩაროდინსკის რაიონში ვჭიდაობდი, აბდულრაშიდ სადულაევის რაიონში. ეს პარიზში გასამართ მსოფლიოს ჩემპიონატის დაწყებამდე იყო. იქ სამ ბრძოლაში გავიმარჯვე, მაგრამ  უკრაინის წარმომადგენელ ალენ ზასეევთან დავმარცხდი. შემდეგ კი კასპიისკი და ვლადიკავკაზი იყო. ჩრდილოეთ კავკასიაში ჩასვლა ძალიან მიყვარს, აქ ძალიან უყვართ ჭიდაობა. მინდა მადლობა გადავუხადო მათ ასეთ კარგ ტურნირზე მიწვევისთვის.

- "ივან არიგინი 2019"-ის გრან-პრიზე არ ჩამოხვალთ?
- ვნახოთ, ჯერ არ ვიცი. წინ საქართველოს ჩემპიონატია და ყველა მასზე ვფიქრობთ.

- თქვენ თავისუფალი არ ხართ ამისგან?
- უნდა ვიჭიდაო, ყოველთვის ვჭიდაობთ საქართველოს ჩემპიონატზე, რადგან ჩვენი მაყურებელი ამბობს: დავიღალეთ თქვენი ყურებით ტელევიზორში (იღიმის).

- მთელი გუნდით ბესიკ კუდუხოვის საფლავი მოინახულეთ...
- დიახ, გუნდთან ერთად ბესიკის მემორიალზე წასვლა ვერ მოვახერხე, მაგრამ დიდების დარბაზში ვიყავი. ჩვენთვის ძალიან რთულია იმის გაცნობიერება, რომ ბესიკი ჩვენთან ერთად არ არის... ის უბრალოდ დიადი მოჭიდავე არ იყო მსოფლიოსთვის, ის ნამდვილი კაცი იყო. იმ ადგილის არმონახულება, სადაც ის დასაფლავებულია, არ შეგვეძლო. ის ჩვენი ძმაა, ის დიადი მოჭიდავე იყო. ბესიკ კუდუხოვი ყოველთვის ჩვენს გულებში იქნება.скачать dle 12.1
პოპულარულები
ფეხბურთის ფედერაციის საპრეზიდენტო კანდიდატად ლევან კობიაშვილი დარეგისტრირდა
ფეხბურთელების წარმოუდგენელი ტრანსფორმაციები
5-წლიანი კონტრაქტი, 10 მილიონი წელიწადში და რაბიოსთან შეთანხმება მიღწეულია
"გიორგი არაბიძე "შახტარის" აკადემიის ერთ-ერთი ყველაზე დაუფასებელი წევრია"
ჩაკვეტაძეს გარღვევა და გოლი მეტოქის კარში - ქართველი კვლავ სასარგებლოა!
დღის გმირი: ინგლისელმა მცველმა ორ წუთში გოლი გაიტანა და პენალტი მოიგერია... (+VIDEO)
ლევანტე 2-1 ბარსელონა | სრული მიმოხილვა | Copa Del Rey.
მარგველაშვილმა კაშია ბრწყინვალების საპრეზიდენტო ორდენით დააჯილდოვა
გვარდიოლას ეროვნული ნაკრების გაწვრთნის სურვილი აქვს
ჩაკვეტაძე "გენტს" ზამთარშივე დატოვებს? - ბელგიური კლუბი შემტევს ეძებს
Оцените работу движка
Облако тегов