Вы здесь: » » მესი 11 - მოდრიჩი 0, ანუ მესის მოკითხვა პელესა და "ფრანს ფუტბოლს" в закладки
Название сайта
მესი 11 - მოდრიჩი 0, ანუ მესის მოკითხვა პელესა და "ფრანს ფუტბოლს"

მესი 11 - მოდრიჩი 0, ანუ მესის მოკითხვა პელესა და "ფრანს ფუტბოლს"

9-12-2018, 11:30
Комментировать
7 038
Не работает видео?

ვისაც ფეხბურთი მართლა უყვარს, თუნდაც სხვა გუნდს გულშემატკივრობდეს, არ შეიძლება პრიმერას მე-14 ტურში "ესპანიოლთან" მატჩში "ბარსელონას" თავდამსხმელის ლეო მესის თამაშით სიამოვნება არ მიეღო.

თუმცა, გამორჩეულებს ყველგან ებრძვიან, ასეა ფეხბურთშიც და მესი და რონალდო ხომ არ არიან იმაში დამნაშავენი, რომ ეპოქა შექმნეს მსოფლიოს ფეხბურთში და საბედნიეროდ ეს ეპოქა გრძელდება. ეგაა, ზოგიერთს აღიზიანებს მათი საუკეთესოობა და ცდილობენ დააკნინონ. ფეხბურთის მეფეს, პელეს ტყუილიც დაეჯერება, მაგრამ მთლად ასეთიც არა - ბრძანა, მესის გოლები მხოლოდ ცაციათი გააქვსო. ნებსით თუ უნებლიედ პელეს სურს შეცდომაში შეიყვანოს გულშემატკივარი,მაგრამ აგერ, პორტალმა Squawka-მ დაადასტურა, რომ პელე მართალი არაა - 100-ზე მეტი გოლი არგენტინელმა მარჯვენა ფეხით და თავით გაიტანა.

წელს ისეთი ტენდენცია წავიდა, რატომღაც უნდოდათ ახალი სახე აეყვანათ "კვარცხლბეკზე" და მოიძიეს კიდეც - ლუკა მოდრიჩი, რომელსაც "ფრანს ფუტბოლმა" "ოქროს ბურთი" გადასცა. ხორვატმა გასულ სეზონში ყველა ტურნირზე სამჯერ დალაშქრა მეტოქეთა კარი. ამ პრიზის გამარჯვებულთა შორის თურმე, ხორვატზე ნაკლები გოლი მხოლოდ ლევ იაშინს გაუტანია, ის კი მოგეხსენებათ, მეკარე იყო. ახლა ზოგიერთი იტყვის, მაგ ტროფეის იმას კი არ გადასცემენ, ვინც მეტი გოლი გაიტანა, არამედ იმას, ვინც უფრო დიდი ტურნირები მოიგოო. ამ ლოგიკიდან გამომდინარე, უპრიანი იქნებოდა "ოქროს ბურთი" რაფაელ ვარანისთვის გადაეცათ.

"მარკა" ამტკიცებს, რომ "ფრანს ფუტბოლმა" რბილად რომ ვთქვათ, მთლად კეთილსინდისიერად არ ჩაატარა გამოკითხვა და მაგალითიც მოჰყავს: გამოკითხვაში ნუ იტყვით და კომორის კუნძულების გამოცემა Albaladcomores.com-ის ჟურნალისტმა აბდუ ბოინამ მიიღო მონაწილეობა. იკითხავთ ახლა, მიიღო და მიიღო, მერე რა მოხდაო? საქმე იმაშია, რომ ეს გამოცემა 6 წლის წინ დახურულა და ბუნებაში აღარ არსებობს. მოკლედ, თუ ჩვენებურად, ჟარგონზე ვიტყვით, ღრმად პატივცემულ ფრანგულ გაზეთს სასურველი შედეგის მისაღებად "მკვდარი სულები" გამოუყენებია. ინტერნეტ-გამოკითხვაში, როდესაც ლეო ხმების 70%-ს იღებდა, საიტი გათიშეს. მეტი რაღა უნდა ექნათ, ე.წ. კარუსელს ხომ ვერ დაატრიალებდნენ?

ახლა, ასეთ "თაღლითობებს" რომ ჩავეძიოთ, უამრავ დარღვევას აღმოვაჩენთ, თუმცა რად გვინდა რამის ძიება - ფაქტი სახეზეა, მესიმ ლა ლიგის მიმდინარე გათამაშებაზე 11 გოლი გაიტანა (ისე, სხვათა შორის, 8 საგოლე გადაცემაც გააკეთა), მოდრიჩმა 0, რონალდომ კი სერია A-ში 10 და უკანასკნელი 50 წლის მანძილზე ეს იტალიაში დებიუტანტის საუკეთესო შედეგია.

დავენებოთ იმის მტკიცებას თავი, რაც ცხადზე უცხადესია და მესის "ესპანიოლთან" თამაშს მივუბრუნდეთ, საოცარ გოლებს და მეტოქე გუნდის ფეხბურთელებისა და გულშემატკივრების გაოგნებულ სახეებს.

скачать dle 12.1
პოპულარულები
ფეხბურთის ფედერაციის საპრეზიდენტო კანდიდატად ლევან კობიაშვილი დარეგისტრირდა
ფეხბურთელების წარმოუდგენელი ტრანსფორმაციები
5-წლიანი კონტრაქტი, 10 მილიონი წელიწადში და რაბიოსთან შეთანხმება მიღწეულია
"გიორგი არაბიძე "შახტარის" აკადემიის ერთ-ერთი ყველაზე დაუფასებელი წევრია"
ჩაკვეტაძეს გარღვევა და გოლი მეტოქის კარში - ქართველი კვლავ სასარგებლოა!
დღის გმირი: ინგლისელმა მცველმა ორ წუთში გოლი გაიტანა და პენალტი მოიგერია... (+VIDEO)
ლევანტე 2-1 ბარსელონა | სრული მიმოხილვა | Copa Del Rey.
მარგველაშვილმა კაშია ბრწყინვალების საპრეზიდენტო ორდენით დააჯილდოვა
გვარდიოლას ეროვნული ნაკრების გაწვრთნის სურვილი აქვს
ჩაკვეტაძე "გენტს" ზამთარშივე დატოვებს? - ბელგიური კლუბი შემტევს ეძებს
Оцените работу движка
Облако тегов